ՀՀ դեսպանը հանդիպել է Ճապոնիայի ԼԴԿ Միջազգային բյուրոյի տնօրեն Կոնո Տարոյի հետ

19 հունիսի, 2026

Հունիսի 19-ին դեսպան Մոնիկա Սիմոնյանը հանդիպում է ունեցել Ճապոնիայի իշխող Լիբերալ-դեմոկրատական կուսակցության (ԼԴԿ) Միջազգային բյուրոյի տնօրեն Կոնո Տարոյի հետ։

Հանդիպմանը մասնավորապես քննարկվել են Հայաստանի և Ճապոնիայի միջխորհրդարանական կապերի ակտիվացման, արդյունավետ համագործակցության հաստատման ու փոխայցելությունների իրականացման հետ կապված հարցեր։

Կողմերը մտքեր են փոխանակել հայ-ճապոնական տնտեսական կապերի խթանմանն ուղղված հնարավորությունների և քայլերի վերաբերյալ։

Դեսպան Սիմոնյանը ներկայացրել է նաև «Թրամփի ուղի՝ հանուն միջազգային խաղաղության և բարգավաճման» նախագծի ու Հայաստանի կառավարության «Խաղաղության խաչմերուկ» նախաձեռնության հիմնական բաղադրիչները՝ անդրադառնալով տարածաշրջանում խաղաղության ինստիտուցիոնալիզացմանն ուղղված Հայաստանի մոտեցումներին։

2018 թվականին Կոնո Տարոն Ճապոնիայի ԱԳ նախարարի պաշտոնում այցելել է Հայաստան, նրա գործադրած ջանքերի շնորհիվ է նաև Ճապոնիայի Գունմա նահանգում բացվել Ասիայում առաջին «Թումո» կենտրոնը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր