Տոկիո և Օսակա քաղաքներում կայացել են «Secrets of Armenia» նախագծի համերգները

03 հունիսի, 2026

Մայիսի 26-ին 28-ին Ճապոնիայի Տոկիո և Օսակա քաղաքներում կայացել են դաշնակահար, «Secrets of Armenia» նախագծի հիմնադիր Միքայել Հայրապետյանի և դաշնակահար Յուլիա Հայրապետյանի համերգները՝ Ճապոնիայում Հայաստանի դեսպանության հովանու ներքո։

Տոկիոյի «Musicasa” համերգասրահում անցկացված միջոցառումը մեկնարկել է դեսպան Մոնիկա Սիմոնյանի ելույթով, ով կարևորել է հայկական հարուստ երաժշտական ժառանգությունը ճապոնացի ունկնդրին ներկայացնելու հնարավորությունը, որը ոչ միայն նպաստում է Ճապոնիայում Հայաստանի ճանաչելիության մեծացմանը, այլև մերձեցնում հայ և ճապոնացի ժողովուրդներին մշակութային փոխընկալման միջոցով։

Համերգներին հնչել են Կոմիտասի, Խաչատուրյանի, Բաբաջանյանի, Բաղդասարյանի, Եկմալյանի, Տիգրանյանի, Սպենդիարյանի, Բարխուդարյանի եւ հայազգի այլ կոմպոզիտորների ստեղծագործություններ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր