Ճապոնիա-Հայաստան պատգամավորական բարեկամության խմբի նախագահ Սեյշիրո Էտոյի գլխավորած պատվիրակության այցը Հայաստան

04 սեպտեմբերի, 2016

Օգոստոսի 31-ին եռօրյա այցով Հայաստան է ժամանել Ճապոնիայի Ազգային ժողովի ստորին պալատի պատգամավոր, նախկին փոխխոսնակ, Ճապոնիա-Հայաստան պատգամավորական բարեկամության խմբի նախագահ Սեյշիրո Էտոյի գլխավորած պատվիրակությունը: Պատվիրակության կազմում էին Ճապոնիայի Ազգային ժողովի ստորին պալատի պատգամավոր, Ճապոնիա-Հայաստան պատգամավորական բարեկամության խմբի փոխնախագահ (նախկին նախագահ), Ճապոնիայի նախկին արտգործնախարար Տակեակի Մացումոտոն և Ճապոնիայի Ազգային ժողովի ստորին պալատի պատգամավոր, Ճապոնիա-Հայաստան պատգամավորական բարեկամության խմբի գլխավոր քարտուղար, Ճապոնիայի բնապահպանության նախկին նախարար Շունիչի Սուձուկին:

Այցի շրջանակներում պատվիրակությունը հանդիպում է ունեցել ՀՀ ԱԺ Հայաստան-Ճապոնիա բարեկամության խմբի անդամների հետ: Հանդիպման ընթացքում կողմերը երկուստեք ընդգծել են, որ հայ-ճապոնական հարաբերությունները զարգանում են բարեկամության և փոխվստահության մթնոլորտում, և անդրադարձել երկկողմ հետաքրքրություն ներկայացնող մի շարք հարցերի: Հանդիպման արդյունքներով ՀՀ ԱԺ Հայաստան-Ճապոնիա բարեկամության խմբի ղեկավար Սամվել Ֆարմանյանը և Սեյշիրո Էտոն երկու երկրների բարեկամության խմբերի անունից ստորագրել են համատեղ հռչակագիր: Սեյշիրո Էտոյի գլխավորած պատվիրակությանը ընդունել է նաև ՀՀ Ազգային ժողովի նախագահ Գալուստ Սահակյանը:

Ազգային ժողովում կայացած հանդիպումներից և կազմակերպված միջոցառումներից հետո պատվիրակության անդամներին ընդունել է Հանրապետության Նախագահ Սերժ Սարգսյանը:

Այցի շրջանակներում պատվիրակության անդամները այցելել և հանդիպումներ են ունեցել նաև ԱԳՆ-ում, ԱԻՆ-ում, Մայր Աթոռ Սուրբ Էջմիածնում, Թումո ստեղծարար տեխնոլոգիաների կենտրոնում, Վիասֆեր Տեխնոպարկ, այցելել են Երևանի Մեսրոպ Մաշտոցի անվան Մատենադարան, Կոմիտասի թանգարան, «Երևանի Արարատ կոնյակի գործարան» և այլ տեսարժան վայրեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր