Հիմնադրվեց «Ճապոնիա-Հայաստան գործարար և մշակութային նախաձեռնություն» կազմակերպությունը

01 հունիսի, 2016

Մայիսի 31-ին Ճապոնիայում ՀՀ դեսպանությունում տեղի ունեցավ «Ճապոնիա-Հայաստան գործարար և մշակութային նախաձեռնություն» (Japan-Armenia Business and Culture Initiative) կազմակերպության հիմնադիր ժողովի նիստը։ Նիստին մասնակցեցին հայտնի գործարարներ, խոշոր ձեռնարկությունների ղեկավարներ և իրավաբաններ։ Հաջորդ օրը՝ հունիսի 1-ին, կազմակերպությունը գրանցվեց պետական ռեգիստրում որպես իրավաբանական անձ (General Incorporated Association)՝ իր հոգաբարձուների խորհրդով և կանոնադրությամբ։

Նախաձեռնությունը կոչված է խթանելու հայ-ճապոնական տնտեսական և մշակութային կապերը։ Մասնավորապես, նպատակ է դրված փոխադարձության սկզբունքով ակտիվացնելու երկու երկրների միջև տնտեսական համագործակցությունը, ներկայացնելու հայկական արտադրանքը Ճապոնիայում, օժանդակելու ճապոնական արտադրողի մուտքը հայկական շուկա և ներդրումային ծրագրերի իրականացումը։

Այս նախաձեռնության հիմնադրմամբ ի կատար է ածվում Ճապոնիայում ՀՀ դեսպանության դեռևս 2012թ․ նախաձեռնած Ճապոնիայում Հայաստանի հետ տնտեսական համագործակցության կոմիտեի նոր ձևաչափով վերակազմավորումը։ Նորաստեղծ կազմակերպությունն իր գործադիր խորհրդով և քարտուղարությամբ ի զորու է ստանձնելու Ճապոնիա-Հայաստան տնտեսական համագործակցության կոմիտեի դերակատարությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր