Հայաստանը միացավ «Սնդիկի վերաբերյալ Մինամատայի կոնվենցիային»

11 հոկտեմբերի, 2013

Ս.թ. հոկտեմբերի 9-11-ը Ճապոնիայի Կումամոտո և Մինամատա քաղաքներում անցկացվեց «Սնդիկի վերաբերյալ Մինամատայի կոնվենցիայի» բարձրաստիճան համաժողովը (Conference of Plenipotentiaries on the “Minamata Convention on Mercury”), որին մասնակցեց նաև Հայաստանի պատվիրակությունը՝ Ճապոնիայում ՀՀ դեսպան Հրանտ Պողոսյանը և ՀՀ բնապահպանության նախարարության վտանգավոր նյութերի և թափոնների քաղաքականության բաժնի պետ Անահիտ Ալեկսանդրյանը:

Համաժողովին հոկտեմբերի 7-8-ը նախորդել էր Կոնվենցիայի նախապատրաստական միջկառավարական հանդիպումը:

«Սնդիկի վերաբերյալ Մինամատայի կոնվենցիայի» բարձրաստիճան համաժողովին մասնակցեցին 139 երկրի 1000-ից ավելի պաշտոնյաներ: Հոկտեմբերի 10-ին Հայաստանը՝ 91 երկրների թվում, միացավ «Սնդիկի վերաբերյալ Մինամատայի կոնվենցիային»: Հայկական կողմից կոնվենցիան ստորագրեց դեսպան Պողոսյանը:

Կոնվենցիան բաց է լինելու ստորագրման համար ևս մեկ տարի: 50 երկրի կողմից վավերացվելու դեպքում, «Սնդիկի վերաբերյալ Մինամատայի կոնվենցիան» կմտնի ուժի մեջ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր