Հայաստանի պատվիրակությունը մասնակցել է Ճապոնիայում կայացած «Գիտությունը և տեխնոլոգիան հասարակությունում» ֆորումին

08 հոկտեմբերի, 2013

Հոկտեմբերի 6-8-ը Հայաստանի պատվիրակությունը Կրթության և գիտության նախարարության գիտության պետական կոմիտեի նախագահ Սամվել Հարությունյանի ղեկավարությամբ մասնակցել է Ճապոնիայի Կյոտո քաղաքում կայացած Գիտությունը և տեխնոլոգիան հասարակությունում ֆորումի (Science and Technology in Society forum) 10-րդ տարեկան հանդիպմանը: Պատվիրակության կազմում ֆորումին մասնակցել է նաև Ճապոնիայում Հայաստանի դեսպան Հրանտ Պողոսյանը:

Գիտությունը և տեխնոլոգիան հասարակությունում ֆորումի նպատակն է քննարկել գիտության և տեխնոլոգիայի նորարարություններն ու կայուն զարգացմանն ուղղված քայլերը: Այս տարի ֆորումին մասնակցել են գիտության, տեխնոլոգիայի, քաղաքականության, բիզնես և լրատվական ոլորտների ավելի քան հարյուր երկիր ներկայացնող մոտ 1000 առաջատար մասնագետներ: Հայաստանն առաջին անգամ է մասնակցել միջոցառմանը:

Ֆորումի ավարտին ընդունվել է համատեղ հայտարարություն, և հաջորդ հանդիպման ժամկետ է հայտարարվել 2014թ. հոկտեմբերի 5-7-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր