Դեսպան Հրանտ Պողոսյանը Լաոսում մասնակցել է Ծովի ելք չունեցող զարգացող երկրների տարածաշրջանային հանդիպմանը

07 մարտի, 2013

Մարտի 5-7-ը Ճապոնիայում Հայաստանի դեսպան Հրանտ Պողոսյանը Լաոսի մայրաքաղաք Վիենտյանում մասնակցել է Ծովի ելք չունեցող զարգացող երկրների տարածաշրջանային հանդիպմանը:

Հանդիպման նպատակն էր ամփոփել Ալմաթիի գործողությունների ծրագրի իրականացման արդյունավետությունը Եվրասիայի ծովի ելք չունեցող երկրներում, գնահատել մարտահրավերներն ու մշակել առաջընթացի ուղիներ, մասնավորապես այն ոլորտներում, որոնք հետագայում կընդգրկվեն Ծովի ելք չունեցող զարգացող երկրների համար նոր գործողությունների ծրագրում:

Հանդիպման արդյունքում ընդունվեց փաստաթուղթ՝ <<Վիենտյանի կոնսենսուս>> (՛՛Vientiane Consensus՛՛), որը կներկայացվի այս տարվա ապրիլի 25-ից մայիսի 1-ը Բանկոկում կայանալիք ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի (UNESCAP) նստաշրջանին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր