Դեսպան Մոնիկա Սիմոնյանը մասնակցել է «Yukemuri Forum 2025»-ին

19 դեկտեմբերի, 2025

Դեկտեմբերի 13-14-ը Գունմայի նահանգապետի հրավերով դեսպան Մոնիկա Սիմոնյանը մասնակցել է «Yukemuri Forum 2025»-ին։ Կուսացու քաղաքում անցկացված Ֆորումի ծրագիրն ընդգրկում էր թեմատիկ քննարկումներ թե Ճապոնիայի ներսում և թե աշխարհում տեղի ունեցող նորարարությունների, ակնկալվող հեռանկարների և միասին ապագա կերտելու կայուն քայլերի վերաբերյալ։

Միջոցառման շրջանակում դեսպանը հանդիպում է ունեցել նահանգապետ Իչիտա Յամամոտոյի հետ։ Նահանգապետը գոհունակությամբ է նշել արդեն իսկ վեց ամիս գործող Թումո Գունմա կենտրոնի հաջողության մասին։ Կողմերն անդրադարձել են Հայաստանի և Գունմա նահանգի միջև մի շարք այլ ոլորտներում համագործակցության հաստատման հնարավորություններին։

Դեսպան Սիմոնյանը համոզմունք է հայտնել, որ ֆորումի ընթացքում մեծ թվով ընկերությունների հետ ձեռք բերված կապերն ու առանձնազրույցները որպես մեկնարկ կծառայացվեն ապագա ծրագրերի նախանշման համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր