ԱԶԳԱՅԻՆ ՎԵՆՉՈՒՐԱՅԻՆ ՖՈՆԴԻ ԿԱՌԱՎԱՐՉԻ ԲԱՑ ՄՐՑՈՒՅԹ

07 սեպտեմբերի, 2021

ՀՀ բարձր տեխնոլոգիական արդյունաբերության նախարարությունը հրավիրում է մասնակցելու Ազգային վենչուրային ֆոնդի կառավարչի Բաց մրցույթին։

ՖՈՆԴԻ ՆՊԱՏԱԿԸ

Ազգային վենչուրային ֆոնդի հիմնումը նպատակ ունի կապիտալի ֆինանսավորման աղբյուրների զարգացման, ներքին և օտարերկրյա ֆինանսական ու մարդկային կապիտալի ներգրավման, տեխնիկական և գործարար հմտությունների խորացման միջոցով ստեղծել բարենպաստ պայմաններ հայկական բարձր տեխնոլոգիական արդյունաբերության ոլորտի առաջընթացը խթանելու համար։ Ֆոնդը հնարավորություն կտա ներդրումներ կատարել հայկական բարձր տեխնոլոգիական ստարտափ ընկերություններում և ապահովել դրանց հետագա զարգացումն ու ներթափանցումը համաշխարհային շուկաներ։

Ֆոնդի ստեղծման գործընթացը կհամակարգի Հայաստանի Հանրապետության բարձր տեխնոլոգիական արդյունաբերության նախարարությունը` Համաշխարհային բանկի աջակցությամբ:

ԴԻՄԵԼՈՒ ԿԱՐԳԸ

Հայտերն ընդունվում են էլեկտրոնային եղանակով՝ մրցութային փաստաթղթերով սահմանված կարգով և սահմանված ժամկետներում։

Հայտերն անհրաժեշտ է ուղարկել nvf@hti.am. էլեկտրոնային հասցեին։
Հայտերի ներկայացման վերջնաժամկետն է 2021 թ. սեպտեմբերի 15-ը՝ Երևանի ժամանակով ժամը 23:59:
Վերջնաժամկետից հետո ստացված հայտերը չեն դիտարկվի և ենթակա են մերժման:

ԱՄԲՈՂՋԱԿԱՆ ՏԵՂԵԿՈՒԹՅՈՒՆ

Բաց մրցույթի վերաբերյալ մանրամասն տեղեկություններ ստանալու համար խնդրում ենք ծանոթանալ Մրցութային փաստաթղթերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր