Տաթևիկ Շախկուլյանի դասախոսությունը Ճապոնիայում ՀՀ դեսպանությունում

22 մարտի, 2017

Մարտի 22-ին Ճապոնիայում ՀՀ դեսպանությունում տեղի ունեցավ Հայաստանից ժամանած Կոմիտասի թանգարան-ինստիտուտի գիտական բաժնի վարիչ, արվեստագիտության թեկնածու Տաթևիկ Շախկուլյանի՝ «Կոմիտասը և հայկական երաժշտական մշակույթը» դասախոսությունը: Միջոցառումը կազմակերպվել էր «Ճապոնիայի Կոմիտասի անվան երաժշտական ընկերության» հոգաբարձուների խորհրդի նախագահ Տակահիրո Ակիբայի նախաձեռնությամբ և Ճապոնիայում ՀՀ դեսպանության աջակցությամբ:

Դասախոսության ընթացքում ներկայացվեց հայկական երաժշտության բազմադարյա պատմությունը, մանրամասն բացատրվեց միջնադարյան հայկական նոտագրության՝ խազերի առաջացման և զարգացման պատմությունը, ներկայացվեց 19-րդ դարի երկրորդ կեսին սկիզբ առած հայկական նոր նոտագրությունը, ինչպես նաև խազերի վերծանման, հայ և հարևան ժողովուրդների երաժշտության ուսումնասիրման գործում Կոմիտաս վարդապետի իրականացրած հսկայական աշխատանքը:

Դասախոսությունն անցավ ինտերակտիվ ձևաչափով՝ հնարավորություն տալով ներկաներին ունկնդրել հայկական երաժշտություն, ինչպես նաև երգել հայկական հոգևոր և ժողովրդական երգեր:

Միջոցառմանը ներկա էին «Ճապոնիայի Կոմիտասի անվան երաժշտական ընկերության» անդամներ, երաժշտագետներ և Հայաստանով հետաքրքրված այլ անձիք: Դասախոսությանը հաջորդեց ընդունելություն՝ հայկական խորտիկներով և խմիչքներով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր