«Մինակորե» նախաձեռնության շրջանակում դեսպանությունը հյուրընկալել է Մինատո շրջանի մոտ չորս տասնյակ բնակիչների

19 փետրվարի, 2026

Փետրվարի 9-ին և 16-ին Տոկիոյի Մինատո քաղաքային շրջանի «Մինակորե» (ミナコレ) նախաձեռնության շրջանակում Ճապոնիայում Հայաստանի դեսպանությունը հյուրընկալել է շրջանի մոտ չորս տասնյակ բնակիչների։

«Բաց դռների» օրերը նպատակ ունեին մեծացնել Հայաստանի ճանաչելիությունն ու բարձրացնել երկրի մասին իրազեկվածությունը։

Դեսպանատան հյուրերը ծանոթացել են Հայաստանի պատմությանը, մշակույթին, տնտեսական հնարավորություններին, զբոսաշրջային գրավչությանը, այդ թվում՝ հայկական գինեգործական ավանդույթներին, համտեսել հայկական գինիներ, կոնյակ, աղանդեր։

Մինատոյում են գտնվում Ճապոնիայում հավատարմագրված 80-ից ավելի դեսպանություններ, այդ թվում՝ Հայաստանի դեսպանությունը։ Տեղակայված լինելով Տոկիոյի ծոցի ափին՝ շրջանը հայտնի է որպես խոշոր բիզնես կենտրոն ու բարձրակարգ բնակելի տարածք՝ ժամանակակից երկնաքերերով ու ճանաչված վայրերով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր